ശിലാഫലകങ്ങളുമായി അനുജനൊപ്പം ഗാമയുടെ ആദ്യവരവ്; കപ്പലിലെ 170ൽ 110 പേരും മരിച്ചു; പോർച്ചുഗീസുകാർ അമ്പരന്ന സമ്പന്ന രാജ്യം- കാലിക്കറ്റ്

കുരുമുളകാണു യൂറോപ്പിനെ മയക്കിക്കളഞ്ഞത്. ആ എണ്ണക്കറുപ്പിൽനിന്ന് കണ്ണെടുക്കാനാകാതെ, കുരുമുളക് മണികൾക്കായി അവർ സ്വർണപ്പാളികൾ പകരം നൽകി. സുഗന്ധദ്രവ്യങ്ങളുടെ കച്ചവട കുത്തക അന്ന് മുഹമ്മദീയർ എന്നറിയപ്പെട്ടിരുന്ന അറബ്, മൊറോക്കൻ വംശജർക്കായിരുന്നു. ആ കുത്തക നശിപ്പിക്കണമെന്നും വിവിധ കരകളുമായി നേരിട്ട് വ്യാപാരബന്ധം സ്ഥാപിക്കണമെന്നും സ്പെയിൻ, പോർച്ചുഗൽ രാജാക്കന്മാർക്ക് തോന്നി. തുടർന്ന്, പോർച്ചുഗീസ് രാജകുമാരനായ ഡാം ഹെൻറിക്ക് ആഫ്രിക്കയിലേക്ക് കപ്പലുകളെ അയച്ചു. കണ്ടെത്തിയ പ്രദേശങ്ങളിൽ