‘ആത്മാഭിമാനം നഷ്ടപ്പെട്ട് ജീവിക്കുന്നതിനേക്കാൾ ഭേദം മരണമാണ്’– സിപിഎമ്മിന്റെ കേന്ദ്ര കമ്മിറ്റിയംഗമായിരുന്ന ഡബ്ല്യു.ആർ. വരദരാജന്റെ ആത്മഹത്യാ കുറിപ്പിൽ തമിഴ് കാവ്യമായ തിരുക്കുറലിൽനിന്നുള്ള ഈ വാചകമുണ്ടായിരുന്നു. സിപിഎം ഭരിക്കുന്ന പഞ്ചായത്ത് ഭരണ സമിതിയുടെ നിരന്തര അവഗണനയിൽ പ്രതിഷേധിച്ച് കഴിഞ്ഞ ദിവസം പുളിക്കൽ പഞ്ചായത്ത് ഓഫിസിൽ ജീവിതമവസാനിപ്പിച്ച പാർട്ടി സഹയാത്രികൻ റസാഖ് പയമ്പ്രോട്ട് അവസാന സന്ദേശത്തിൽ ഇങ്ങനെയെഴുതി– ‘മരണവും ഒരു സമരമാണ്’.
