ഡോണൾഡ് ട്രംപ് ഭരണകൂടവുമായി മികച്ച ബന്ധമായിരുന്നു നരേന്ദ്ര മോദി സർക്കാരിനുണ്ടായിരുന്നത്. എന്നാൽ ട്രംപിനെ തോൽപിച്ചു ജോ ബൈഡൻ അധികാരമേറിയപ്പോൾ അത് ഇന്ത്യ–യുഎസ് ബന്ധത്തെ പ്രതികൂലമായി ബാധിക്കുമോയെന്നുപോലും ആശങ്കയുണ്ടായി. ബൈഡന്റെ ഡമോക്രാറ്റിക് പാർട്ടിയിലെ മുതിർന്ന നേതാക്കളിൽ പലരും ശക്തമായ മോദിവിരുദ്ധ നിലപാടുകാരുമായിരുന്നു. എന്നാൽ ‘ട്രംപ് കാല’ത്തെപ്പോലെ സുഗമമായ ബന്ധം യുഎസുമായി തുടരാനുള്ള നടപടികൾക്ക് ഇന്ത്യതന്നെ അന്നു മുൻകയ്യെടുക്കുകയാണുണ്ടായത്. ഇതു ഗുണപരമായ ഫലമുണ്ടാക്കി.
