ഇന്ത്യയുടെ രണ്ടാം അണുബോബ് പരീക്ഷണം. 1998ൽ പൊഖ്റാനിൽ 'ബുദ്ധൻ വീണ്ടും ചിരിച്ചപ്പോൾ' ലോകരാജ്യങ്ങളുടെ ചിരിമങ്ങി. ഇന്ത്യയുമായി അടുപ്പം കാത്ത് സൂക്ഷിച്ചവർ പോലും അക്കൂട്ടത്തിൽ പരിഭവത്തോടെ മുഖം തിരിച്ചു. അതേസമയം യൂറോപ്പിലെ ഒരു രാജ്യം അന്നും പിന്തുണയുമായി ഒപ്പം നിന്നു. ഫ്രാൻസായിരുന്നു ആ രാഷ്ട്രം. ഇന്ത്യ ആദ്യമായി തങ്ങളുടെ തന്ത്രപ്രധാന പങ്കാളിയെന്ന പദവി ഫ്രാൻസിന് നല്‍കി മാസങ്ങൾക്ക് ശേഷമായിരുന്നു ഈ സംഭവമുണ്ടായത്.
