മലേഷ്യയിലെ പന്നി ഫാമുകളിൽ തിരിച്ചറിയാനാവാത്ത എന്തോ അസുഖം ബാധിച്ച് പന്നികൾ കൂട്ടത്തോടെ ചത്തുതുടങ്ങിയത് ഒരു സെപ്റ്റംബറിലായിരുന്നു. കൃത്യമായി പറഞ്ഞാൽ 1998 സെപ്റ്റംബർ. പിന്നീട് നൂറുകണക്കിനാളുകളുടെ മരണത്തിലേക്ക് നയിച്ച നിപ്പയുടെ തുടക്കം. കേരളം വീണ്ടും നിപ്പ രോഗവ്യാപനത്തിന്റെ ഭീതിയിലേക്ക് പോകുമ്പോൾ ഇനിയും മരുന്നോ വാക്സീനോ കണ്ടെത്താനാവാത്ത ആ വൈറസ് ലോകത്തിനു മുന്നിൽ അതിന്റെ എല്ലാ ഭീകരതയോടെയും അവതരിച്ച് 25 വർഷം തികയുകയാണ്!
