വാളയാർ കടന്നു വരുന്ന ലോറികളിലെ സ്പിരിറ്റും കഞ്ചാവും ചന്ദനത്തടികളുമെല്ലാം വിറ്റു കോടീശ്വരൻമാരായവരുടെ കഥകൾ സിനിമകളിലും ജീവിതത്തിലും കണ്ടിട്ടുണ്ട്. എന്നാൽ, നാട്ടുകാരെ കോടീശ്വരൻമാരാക്കാൻ ആ വാളയാർ ഇപ്പോൾ പുറത്തേക്ക് ഒഴുക്കുന്നതു ലോട്ടറികളാണ്. ഇരുവശവും ലോട്ടറികളാൽ അലങ്കരിച്ച ദേശീയപാതയിലൂടെ കടന്നുപോകുന്ന യാത്രക്കാർ മുടക്കാൻ കഴിയാത്ത ചടങ്ങുപോലെ വാളയാറിൽ ഇറങ്ങി ഭാഗ്യാന്വേഷണം നടത്തും. ലോട്ടറിക്കെട്ടുകളുമായി മടങ്ങും.