സ്ഫോടനങ്ങൾക്കൊപ്പം ‘ഐഇഡി’ എന്ന പേര് എന്നുമുതലാണ് സ്ഥിരമായി കേൾക്കാൻ ആരംഭിച്ചത്? 2003 എന്ന് ഉത്തരം. ഇറാഖ് യുദ്ധകാലത്താണ് ഐഇഡി എന്ന വാക്ക് ലോകത്തിന് പരിചിതമായത്. ഇറാഖിൽ സർവസന്നാഹങ്ങളുമായി യുദ്ധത്തിനെത്തിയ യുഎസ് സൈന്യത്തിന് തലവേദന സൃഷ്ടിക്കുവാൻ ഐഇഡിക്ക് കഴിഞ്ഞു. പലപ്പോഴും ചാവേർ ആക്രമണങ്ങളുടെ രൂപത്തിലാണ് അവ എത്തിയത്. കഴിഞ്ഞദിവസം കളമശേരിയിൽ ബോംബ് സ്ഫോടനമുണ്ടായി ആദ്യ മണിക്കൂറിൽ തന്നെ, പൊട്ടിത്തെറിച്ചത് ഐഇഡിയാണെന്ന് കേരള ഡിജിപി എസ്. ദര്‍വേഷ് സാഹിബ് സ്ഥിരീകരിച്ചിരുന്നു.