മറ്റപ്പള്ളി മലയുടെ ‘തലയെടുക്കാൻ’ ശ്രമിക്കുന്നതാര്? നിയമം പാലിക്കാതെയുള്ള അനുമതി എന്തിനുവേണ്ടി?

മറ്റപ്പള്ളി മലയുടെ തലയെടുപ്പ് എന്നും നില നിൽക്കുമോ? പ്രദേശ വാസികളായ സാധാരണക്കാരുടെയും കക്ഷി രാഷ്ട്രീയ ഭേദമെന്യേ രാഷ്ട്രീയ പാർട്ടികളുടെയും എതിർപ്പ് ഉയർന്നതോടെയാണ് പാലമേൽ പഞ്ചായത്തിലെ മറ്റപ്പള്ളി മലയിൽ നിന്നുള്ള മണ്ണെടുപ്പ് താൽക്കാലികമായി നിർത്തി വയ്ക്കാൻ തീരുമാനിച്ചത്. തുടർന്ന് കലക്ടർ നടത്തിയ അന്വേഷണത്തിൽ മണ്ണെടുപ്പിന് അനുമതി നൽകിയതിൽ മൈനിങ് ആൻഡ് ജിയോളജി വകുപ്പിനു ഗുരുതരമായ വീഴ്ചയുണ്ടായെന്നു കണ്ടെത്തിയിട്ടുണ്ട്. തുടർ നടപടി തീരുമാനിക്കേണ്ടതു ഹൈക്കോടതിയും സർക്കാരുമാണ്. മണ്ണെടുപ്പ് വലിയ ജനരോഷത്തിനു ഇടയാക്കിയതിനു പിന്നാലെ കലക്ടർ സർക്കാരിനു നൽകിയ റിപ്പോർട്ടിലും അനുമതി നൽകിയതു സംബന്ധിച്ചു പുനഃപരിശോധനയ്ക്ക് നിർദേശിക്കുന്നു.