23ൽ നിന്ന് ഒൻപതിലേക്ക് കൂപ്പൂകുത്തൽ; നയിക്കാനില്ലെന്ന് ഫഡ്നാവിസ്; ഇടപെടുമോ അമിത് ഷാ?

മഹാരാഷ്ട്രയിൽ ബിജെപിയുടെ തിരഞ്ഞെടുപ്പു തിരിച്ചടികളുടെ ഉത്തരവാദിത്തമേറ്റെടുത്ത് ദേവേന്ദ്ര ഫഡ്നാവിസ് ഉപമുഖ്യമന്ത്രിസ്ഥാനം ഒഴിയാൻ സന്നദ്ധതയറിയിച്ചതിനു പിന്നിൽ ഉൾപാർട്ടി പ്രശ്നങ്ങളും. പാർട്ടിയുടെ പ്രചാരണം നയിച്ചതു ഫഡ്നാവിസായിരുന്നെങ്കിലും സ്ഥാനാർഥിനിർണയത്തിൽ പൂർണഅധികാരം ലഭിക്കാതിരുന്നതിൽ അസ്വസ്ഥനായിരുന്നു. 2019 ൽ 23 സീറ്റ് നേടിയ ബിജെപിയാണ് ഇത്തവണ 9 സീറ്റിലേക്കു കൂപ്പുകുത്തിയത്. പാർട്ടി ദേശീയ ജനറൽ സെക്രട്ടറിയും മുംബൈയിൽ നിന്നുള്ള മുതിർന്ന നേതാവുമായ വിനോദ് താവ്ഡെയുടെ ഇടപെടലുകളാണ് ഫഡ്നാവിസിന്റെ അതൃപ്തിക്ക് ഒരു കാരണം.