അമിത് ഷായുടെ മുന്നറിയിപ്പിനും മുൻപേ വന്നു ആ റിപ്പോർട്ട്: ‘58.52% പ്രദേശവും ഭീഷണിയിൽ’; മാപ്പിൽ തെളിഞ്ഞതെന്ത്?

ഇതുപോലൊരു ഉരുൾപൊട്ടൽ ദുരന്തം കേരളം ഇതിനു മുൻപ് കണ്ടിട്ടില്ല; രാജ്യത്തെ ഒന്നടങ്കം ദുഃഖത്തിലാഴ്ത്തിയ വൻ ദുരന്തം. മരണസംഖ്യയുടെ കാര്യത്തിലാണെങ്കിലും കേരളത്തിന്റെ ചരിത്രത്തിലെ തന്നെ ഏറ്റവും വലിയ ഉരുൾപ്പൊട്ടലാണ് വയനാട്ടിൽ സംഭവിച്ചതെന്ന് കണക്കുകളും വ്യക്തമാക്കുന്നു. നിലവിളികളാണിന്ന് മുണ്ടക്കൈയുടെയും ചൂരൽമലയുടെയും നെടുവീർപ്പുകൾ. അവിടെയുള്ളവർ സംസാരിക്കുന്നത് കണ്ണീരിന്റെ ഭാഷയിലും. ദുരന്തം സംഭവിക്കുന്നതിന് ഏതാനും ആഴ്ചകൾക്ക് മുൻപ്, മഴക്കാലം തുടങ്ങുന്നതിന് മുൻപേതന്നെ ഒരു റിപ്പോർട്ട് പുറത്തുവന്നിരുന്നു. അതിലെ മുന്നറിയിപ്പുകൾ അതേപടി ആവർത്തിച്ചിരിക്കുകയാണ് വയനാട്ടിൽ.