ഓംപ്രകാശ് പിടിയിലായപ്പോൾ സ്കെച്ചിട്ടു, ഷൈനിനെ ചോദ്യം ചെയ്യാൻ എന്തിന് 3 എസിപിമാർ? ആ സജീറും ‘അമ്മ’യും എന്തുപറയും?

ഓംപ്രകാശ് കൊച്ചിയിലെ ഹോട്ടലിൽ അറസ്റ്റിലായത് കഴിഞ്ഞ വർഷം ഒക്ടോബറിലാണ്. രാസലഹരി ആയിരുന്നു അന്നും വില്ലനെങ്കിലും കാര്യമായ തെളിവൊന്നും ലഭിച്ചില്ല. ഓംപ്രകാശിനെ സന്ദർശിച്ചവരിൽ ഒരു നടനും നടിയും ഉണ്ടെന്ന വിവരം പുറത്തു വരികയും പൊലീസ് ഇരുവരെയും ചോദ്യം ചെയ്യുകയും ചെയ്തു. പക്ഷേ ഡാൻസാഫ് അന്നൊരു തീരുമാനമെടുത്തു. നടീനടന്മാരെ മുൻപും ലഹരിക്കേസിൽ ചോദ്യം ചെയ്ത് വിട്ടയച്ചിട്ടുണ്ട് എന്നതിനാൽ ഇതും പതിവു പോലെയേ ആകൂ എന്നായിരുന്നു ധാരണ. ഷൈൻ ടോം ചാക്കോയെ ചോദ്യം ചെയ്യാൻ പക്ഷേ 3 എസിപിമാർ ഒരുമിച്ചു വന്നത് വെറുതെയായിരുന്നില്ല. എല്ലാ തയാറെടുപ്പും നടത്തി കണക്കുകൂട്ടലോടെയാണു പൊലീസ് നീങ്ങിയത്.