ആഫ്രിക്കയെ പിളർക്കും ‘റിഫ്റ്റ് സിസ്റ്റം’, ഇന്ത്യൻ പ്ലേറ്റിന്റെ നിലയെന്ത്? കേരളത്തെ കടലെടുക്കുമോ, വരും രണ്ടാം ഹിമാലയം?

ആഫ്രിക്ക തെക്കു വടക്കായി രണ്ടായി മുറിയുന്നു. അതിലൊരു ഭാഗം ഇന്ത്യൻ മഹാസമുദ്രത്തിലൂടെ തെന്നിനീങ്ങി കേരള കർണാടക തീരത്തേക്ക് അടുക്കുന്നു. ഇതിന്റെ ഫലമായി വിട്ടുമാറുന്ന ഭൂഖണ്ഡങ്ങൾക്കിടയിലായി പുതിയ സമുദ്രം രൂപപ്പെടുന്നു. കേരളം, കർണാടകം, ഗോവ തുടങ്ങിയ സംസ്ഥാനങ്ങളുടെ പടിഞ്ഞാറൻ തീരം പതിയെ ഇല്ലാതാകുന്നു. അവിടെ പകരം ഹിമാലയ പർവതം പോലെ പുതിയ പർവതനിര ഉയരുന്നു. ഒരുപക്ഷേ കേരളം ഇല്ലാതാകുന്നു. ഇതൊക്കെ ഭ്രാന്ത് പറയുന്നതാണെന്നു പറയാൻ വരട്ടെ.ഇതിന്റെ ആദ്യഭാഗം എന്നേ തുടങ്ങി. ഈസ്റ്റ് ആഫ്രിക്കൻ റിഫ്റ്റ് സിസ്റ്റം എന്ന പേരിലറിയപ്പെടുന്ന ഈ വേർപിരിയലിലൂടെ ആഫ്രിക്കൻ ഭൂഖണ്ഡം രണ്ടായി മുറിഞ്ഞു മാറുകയാണ്. പ്ലേറ്റ് ടെക്റ്റോണിക്സിലെ കോണ്ടിനെന്റൽ ഷിഫ്റ്റ് എന്നറിയപ്പെടുന്ന പ്രതിഭാസമാണ് ഇതിനു കാരണം. ഭൂമിയുടെ ഏറ്റവും ഉള്ളിലെ ഭാഗം ഖരരൂപത്തിലുള്ള കടുപ്പമേറിയ ഒന്നാണെങ്കിൽ (കോർ) അതിനു തൊട്ടുമുകളിലായി ദ്രവ രൂപത്തിലുള്ള ആവരണമാണ് (ഔട്ടർ കോർ). അതിനും മുകളിലായി അർധ ഖരാവസ്ഥയിലുള്ള ലാവയാൽ നിർമിതമായ മാന്റിൽ എന്ന ഭാഗം. അതിനും മുകളിലാണ് നാം