ദേശീയപാത നിർമാണ മേഖലയിൽ മികവിൽ മുന്നിലുള്ള കെഎൻആർ കമ്പനിയുടെ ഭാഗത്തുനിന്ന് ഇത്തരത്തിലൊരു വീഴ്ച എങ്ങനെയുണ്ടായി? മലപ്പുറം കൂരിയാട് ദേശീയപാത ഇടിഞ്ഞതിനു പിന്നാലെ പലരും ഇത്തരത്തിൽ ആശ്ചര്യപ്പെടാൻ കാരണങ്ങളേറെയുണ്ട്.
മഴയെയും കാലാവസ്ഥയെയും മണ്ണിനെയുമെല്ലാം പലരും പഴിക്കുമ്പോഴും യഥാർഥത്തിൽ സംഭവിച്ചത് എന്താണ്? തകർച്ചയ്ക്കു പിന്നിലെ ശാസ്ത്രീയ കാരണങ്ങൾ എന്തെല്ലാമാകാം? വിദഗ്ധരിൽനിന്ന് അഭിപ്രായം തേടി തയാറാക്കിയ വിശദമായ റിപ്പോർട്ട് വായിക്കാം.
കോഴിക്കോട് കുന്ന്യോറമലയുടെ പടിഞ്ഞാറ് ഭാഗത്ത് മലമുകളിലേക്കുള്ള താൽക്കാലിക റോഡും 35 മീറ്റർ താഴ്ചയിൽ ദേശീയപാത ബൈപാസും. ചരിവിൽ കോൺക്രീറ്റ് ചെയ്യാനായി കെട്ടിയ കമ്പികളും കാണാം. 35 മീറ്ററോളം കുഴിച്ചാണു പാത നിർമിച്ചിരിക്കുന്നത്. (ചിത്രം: സജീഷ് ശങ്കർ / മനോരമ)
Mail This Article
×
കടല്‍തീരത്തു നമ്മൾ കളിയായി ഉണ്ടാക്കുന്ന ചെറിയ മണൽക്കൂനയ്ക്ക് എത്ര ഭാരം താങ്ങാനാകും? എത്ര കൂമ്പാരമാക്കിയാലും അതിനു മുകളിലൊരു സിമന്റ് ഇഷ്ടിക വച്ചാൽ, മണൽ രണ്ടുഭാഗത്തേക്കും നിരങ്ങിമാറി ഇഷ്ടിക നേരെ താഴേക്കിറങ്ങും. മലപ്പുറം കൂരിയാട്ട് 12.43 മീറ്റർ ഉയരത്തിൽ നിർമിച്ച ദേശീയപാതയും സർവീസ് റോഡും ഇടിഞ്ഞുതാഴ്ന്നതിനെ ഇങ്ങനെ ഉപമിക്കാം. അതേസമയം മണലിനൊപ്പം സിമന്റു ചേർത്തു കുഴച്ചുണ്ടാക്കിയ കൂമ്പാരത്തിനു മുകളിൽ ഇഷ്ടിക വച്ചുനോക്കൂ അത് അനങ്ങാതെ അവിടെത്തന്നെയിരിക്കും.
ഇങ്ങനെ ഉറപ്പുള്ള അടിത്തട്ടായിരുന്നെങ്കിൽ ഒരുപക്ഷേ ഈ അപകടം ഉണ്ടാകില്ലായിരുന്നെന്നാണ് വൻകിട നിർമാണ മേഖലയിലെ വിദഗ്ധർ ചൂണ്ടിക്കാട്ടുന്നത്. മുകളിലെ നിർമിതിയുടെ ഭാരം താങ്ങാനാവാതെ, റോഡിന്റെ അടിഭാഗത്തു നിറച്ച മണ്ണ് വശത്തേക്കു മാറിയെന്ന് (സ്ലിപ് ഫെയ്‌ലിയർ) സാരം. ഇതിനെ താങ്ങി പ്രതിരോധിക്കാൻ വശത്തെ മതിലിന് (റീടെയ്‌നിങ് വാൾ) സാധിച്ചില്ലെന്നതും വസ്തുത.
English Summary:
Kooriyad Road Collapse : What are the Reasons Behind The Collapse of the NH 66 Road in Kooriyad
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
