കൊടുംമഴ, അന്ന് തടാകത്തിനു പുറത്തേക്ക് കുതിച്ചത് കോടി ക്യുബിക് മീറ്റർ വെള്ളം; ലിവ്യുയയുടെ പരാതി എന്തുകൊണ്ട് കേരളത്തിനും മുന്നറിയിപ്പ്?

എല്ലാ യുദ്ധങ്ങളും ജയിക്കാനുള്ളതല്ലെന്നറിഞ്ഞാവണം സൗൾ ലൂസിയാനോ ലിവ്യുയ ജർമൻ ഊർജ ഭീമൻ ആർഡബ്ല്യുഇയോടു നിയമയുദ്ധത്തിനിറങ്ങിയത്. പക്ഷേ ചില പരാജയങ്ങൾക്കു വിജയങ്ങളേക്കാൾ തിളക്കമുണ്ടെന്ന് അയാൾക്കറിയാമായിരുന്നു. അതുകൊണ്ടാണ് പെറുവിലെ മലയോര നഗരമായ ഹുവാരസിൽ താമസിക്കുന്ന ആ കർഷകൻ പതിനായിരത്തിലേറെ കിലോമീറ്റർ അകലെയുള്ള ജർമനിയിലെ ഒരു കോടതിയിൽ ആ രാജ്യത്തെ വ്യവസായ ഭീമനെതിരെ കേസുകൊടുത്തത്. ആർഡബ്ല്യുഇയ്ക്ക് (Rhenish-Westphalian Power Plant) എതിരെ 2015ൽ ലിവ്യുയ നൽകിയ കേസ് ഒറ്റനോട്ടത്തിൽ വിചിത്രമെന്നു തോന്നാം. ഹുവാരസിലെ പാൽകക്കച്ച തടാകത്തിൽ ഹിമാനിയുരുകി പ്രളയ ഭീഷണിയുണ്ടാകുന്നു. അതിന് പെറുവിലെവിടെയും ഒരു ഫാക്ടറി പോലുമില്ലാത്ത ആർഡബ്ല്യുഇ നഷ്ടപരിഹാരം നൽകണം. പക്ഷേ നിയമപോരാട്ടം ആരംഭിച്ചതോടെ