തുരങ്കത്തിന് പാറ പൊട്ടിച്ചാൽ അണക്കെട്ട് പൊട്ടുംപോലെ വെള്ളപ്പാച്ചിൽ; ആശങ്കയുടെ ടണൽ 33; ചെനാബ് ആർച്ച് പാലം നിർമിച്ച അസാധാരണ കഥ

രാജ്യത്തിന്റെ ഏറ്റവും വടക്കുള്ള റെയിൽവേ സ്റ്റേഷനായ ബാരാമുള്ളയും ഏറ്റവും തെക്കുള്ള കന്യാകുമാരിയും തമ്മിൽ ഒടുവിൽ ‘ബന്ധം’ സ്ഥാപിച്ചിരിക്കുന്നു. ഇനി രാജ്യത്തെ ഏതു ഭാഗത്തുനിന്നും കശ്മീർ താഴ്‌വരയിലേക്ക് ട്രെയിൻ സർവീസ് സാധ്യമാകും. അതിനു സഹായിക്കുന്നതാകട്ടെ പ്രധാനമന്ത്രി നരേന്ദ്ര മോദി ജൂൺ 6ന് ഉദ്ഘാടനം നിർവഹിച്ച ഉധംപുർ–ശ്രീനഗർ–ബാരാമുള്ള റെയിൽ ലിങ്ക് (യുസിബിആർഎൽ) പ്രോജക്ടും. ഗുഡ്സ് ട്രെയിൻ സർവീസുകൾ കൂടി ആരംഭിച്ചാൽ കശ്മീരിലെ തനത് ഉൽപന്നങ്ങൾ ഇന്ത്യയിൽ എവിടെ വേണമെങ്കിലും അതിവേഗം എത്തിക്കാം, അവിടെനിന്ന് വിദേശത്തേക്കും അയയ്ക്കാം. കശ്മീരിലെ ടൂറിസത്തിനും പുത്തനുണർവാകും ചെനാബ് പാലം ഉൾപ്പെടുന്ന ഈ പ്രോജക്ട്. ചെനാബ് പാലം അടക്കമുള്ള എൻജിനീയറിങ് വിസ്മയങ്ങൾ ഒരുക്കുമ്പോൾ നേരിട്ട വെല്ലുവിളികൾ എന്തെല്ലാമാണ്? ഈ റെയിൽപാത തുറക്കുമ്പോൾ ഇന്ത്യയ്ക്ക് എങ്ങനെയാണ് ഗുണം ചെയ്യുക? എന്തെല്ലാമാണ് ഈ പ്രോജക്ടിലെ കാഴ്ചകൾ? ശ്രീനഗറിലെ പുതിയ റെയിൽവേ ലൈനിലൂടെ യാത്ര ചെയ്തു മനോരമ ലേഖകൻ തയാറാക്കിയ റിപ്പോർട്ട്.