‘ചുവന്ന വര’യിട്ട് യുഎസിന് ഭീഷണി; ഇസ്രയേൽ നേരത്തേ ‘മാർക്ക്’ ചെയ്തു, അവസാന മണിക്കൂറിൽ മുന്നറിയിപ്പിനു പിന്നാലെ മരണം

‘‘ഇസ്രയേൽ ആക്രമണത്തിനെതിരായ ഇറാന്റെ പ്രതികാരം മുൻകാല ആക്രമണങ്ങളെ അപേക്ഷിച്ച് കൂടുതൽ ശക്തവും വിനാശകരവുമായിരിക്കും’’. ഇറാന്റെ ഇസ്‌ലാമിക് റവല്യൂഷനറി ഗാർഡ്‌ കോറിന്റെ (ഐആർജിസി) കമാൻഡർ ഹുസൈൻ സലാമി മാധ്യമങ്ങളോട് ഇങ്ങനെ പറഞ്ഞത് ജൂൺ 12ന്. ഇറാൻ ആണവ നിബന്ധനകൾ പാലിക്കുന്നില്ലെന്ന് രാജ്യാന്തര ആണവോർജ ഏജൻസി (ഐഎഇഎ) വെളിപ്പെടുത്തിയതിന് തൊട്ടുപിന്നാലെയായിരുന്നു സലാമിയുടെ ഈ മുന്നറിയിപ്പ്. എന്നാൽ മണിക്കൂറുകൾക്കകം, ജൂൺ 13ന് വെള്ളിയാഴ്ച ഇസ്രയേൽ സേന നടത്തിയ ആക്രമണത്തിൽ സലാമി കൊല്ലപ്പെട്ടു. 13നു പുലർച്ചെയാണ് ഇസ്രയേൽ പ്രധാനമന്ത്രി ബെന്യമിൻ നെതന്യാഹുവിന്റെ