ഒരു കോയിന് 92 ലക്ഷം രൂപ; നിക്ഷേപിച്ചവരിൽ 1.5 കോടി ഇന്ത്യക്കാരും; അറിഞ്ഞിരിക്കണം ചില കാര്യങ്ങൾ

ഒരു ഡോളർ സ്വന്തമാക്കാൻ പകരം 85 രൂപ കൊടുത്താൽ മതി. പക്ഷേ, മറ്റൊരു നാണയം സ്വന്തമാക്കാൻ 92 ലക്ഷം രൂപ നൽകണമെങ്കിലോ? ബിറ്റ്‌കോയിൻ എന്ന ക്രിപ്റ്റോ കറൻസിയുടെ (ഡിജിറ്റൽ കറൻസി) ഇന്നത്തെ (ജൂൺ 16) മൂല്യം അത്രയുമാണ്. ക്രിപ്റ്റോ കറൻസിയെന്ന പേരിനൊപ്പം ഉയർന്നുകേൾക്കുന്നതിലേറെയും തട്ടിപ്പുകളുടെ വാർത്തകളാണെങ്കിലും ബിറ്റ്കോയിൻ അടക്കമുള്ള ക്രിപ്റ്റോ കറൻസികൾ വിശ്വസനീയമാണോ? ഇവ വാങ്ങുന്നതും വിൽക്കുന്നതും നിയമവിരുദ്ധമാകുമോ? വർക്കലയിൽ അറസ്റ്റിലായ രാജ്യാന്തര ക്രിപ്റ്റോ കറൻസി കുറ്റവാളി അലക്സേജ് ബെസിക്കോവ് ഉൾപ്പെടെയുള്ളവർ നിയമലംഘകരും തട്ടിപ്പുകാരുമായി മാറുന്നത് എങ്ങനെയാണ്? ബിറ്റ്‌കോയിൻ വാങ്ങുന്നതും വിൽക്കുന്നതും എങ്ങനെയാണ്?