ഇന്ത്യയുടെ ‘ജയിംസ് ബോണ്ട്’ എന്നറിയപ്പെടുന്ന ദേശീയ സുരക്ഷാ ഉപദേഷ്ടാവ് അജിത് ഡോവൽ മേയ് 7ന് സൗദി അറേബ്യയിലായിരുന്നു. എന്തിനാണ് ഡോവല്‍ സൗദിയിലേക്ക് അപ്രതീക്ഷിത സന്ദർശനം നടത്തിയത്? യുഎസ്, സൗദി അറേബ്യ, യുഎഇ എന്നീ രാജ്യങ്ങളിലെ സമാന പദവിയിലുള്ള ഉദ്യോഗസ്ഥരുമായി ചര്‍ച്ച നടത്തുന്നതിനായിരുന്നു ഡോവലിന്റെ വരവ്. ഇന്ത്യ–ഗൾഫ് രാജ്യങ്ങൾ തമ്മിലുള്ള ബന്ധത്തില്‍ നിർണായക മാറ്റമുണ്ടാക്കുന്ന ഒരു പദ്ധതിയെ കുറിച്ചായിരുന്നു ചർച്ച.