‘‘എനിക്കു നൂറുകൂട്ടം കാര്യങ്ങൾ ചെയ്യാനുണ്ട്, ഒന്നിനും നേരമില്ല’’ എന്നു പരാതിപ്പെടുന്നവരേറെ. അത്രയൊന്നുമില്ലെന്ന് ആരെങ്കിലും പറഞ്ഞാൽ അവരുടെ മേൽ കുതിരകയറിയെന്നുമിരിക്കും. മിക്കപ്പോഴും പരാതിയിൽ കാര്യമില്ലെന്നതാണു വാസ്തവം. അവർക്കു നടത്താവുന്ന ഒരു ചെറുപരീക്ഷണമുണ്ട്. ചെയ്തുതീർക്കാനുള്ള പത്ത് കാര്യങ്ങൾ എഴുതുക. പ്രയാസത്തിന്റെ ക്രമത്തിൽ അവയെ അടുക്കുക. ഏറ്റവും പ്രയാസമുള്ളത് ആദ്യം വരണം. കൂടുതൽ പ്രയാസമുള്ളവ ആദ്യമാദ്യമാകട്ടെ.
