രാജ്യതലസ്ഥാനമായ ഡൽഹിയിലെ വായു ജീവജാലങ്ങൾക്കു ശ്വസിക്കാൻ കൊള്ളത്തതാണ് എന്നതു പുതിയ കാര്യമല്ല. എന്നാൽ, തണുപ്പുകാലമടുക്കുമ്പോൾ അതിനെ പുതിയ കാര്യമായി അവതരിപ്പിക്കുകയും പുതിയ പരിഹാരങ്ങൾ തേടുകയും ചെയ്യുകയെന്നത് എല്ലാ വർഷവുമുള്ള ആചാരമാണ്. ഈ വർഷവും അതു മുടങ്ങിയില്ല. കബളിപ്പിക്കാൻ‍ കേന്ദ്രത്തിലെയും ഡൽഹിയിലെയും ഭരണകൂടങ്ങൾക്കുള്ള അപാരമായ ശേഷിക്കും അതിനു വിധേയരാവാൻ ഡൽഹിക്കാർക്കുള്ള സന്മനസിനും നല്ല ഉദാഹരണമാണിത്.