നാടോടുന്ന നവകേരളം

കേരളത്തിന്റെ 22–ാമത്തെ ഗവർണറാണ് ആരിഫ് മുഹമ്മദ് ഖാൻ; പിണറായി വിജയൻ 12–ാമത്തെ മുഖ്യമന്ത്രിയും. സംസ്ഥാന ഭരണത്തലവന്റെയും ഭരണസാരഥിയുടെയും സഞ്ചാരങ്ങൾ ഒരു കാലത്തും ഇതുപോലെ കേരളത്തെ സംഘർഷഭരിതമാക്കിയിട്ടില്ല. മുഖ്യമന്ത്രിയുടെയും ഗവർണറുടെയും സുരക്ഷ ഇതുപോലെ ചർച്ചയായ മറ്റൊരു കാലവുമില്ല. സംസ്ഥാനത്തു മറ്റാർക്കും ഇല്ലാത്ത സുരക്ഷാസന്നാഹങ്ങളാണ് ഇരുവർക്കും. മുൻപൊരിക്കലും മുഖ്യമന്ത്രിയും ഗവർണറും പരസ്യമായി ഇങ്ങനെ ഏറ്റുമുട്ടിയിട്ടില്ല. പക്ഷേ, പ്രതിപക്ഷം ഈ പോരിലും അന്തർധാരകളാണ് ദർശിക്കുന്നത്.