ഗുളിക ചെമപ്പോ നീലയോ?

ഹോളിവുഡിൽ മട്രിക്സ് എന്ന ചിത്രം 1999 ൽ റിലീസ് ചെയ്തു. മട്രിക്സ് എന്നത് കംപ്യൂട്ടർ നിർമിതമായ കൃത്രിമലോകം. അതിൽ നിയോ എന്ന കഥാനായകൻ കഴിയുന്നു. മോർഫിയസ് എന്ന കംപ്യൂട്ടർ മഹാഗുരു പ്രത്യക്ഷപ്പെട്ട് നിയോയോടു ചോദിക്കുന്നു, ‘നിനക്ക് ചെമപ്പു ഗുളിക വേണോ, അതോ നീല ഗുളിക വേണോ?’ (Red pill or blue pill?). നീല ഗുളിക കഴിച്ചാൽ നിയോയ്ക്കു ഇപ്പോൾ കഴിയുന്ന മായാലോകത്തു കഴിയാം. ചെമപ്പുഗുളികയാണു കഴിക്കുന്നതെങ്കിൽ തനിക്കു സംഭവിക്കുന്നത് എന്തെന്നു തിരിച്ചറിയുകയും, മട്രിക്സെന്ന മായാലോകത്തിനു പുറത്തുള്ള യാഥാർഥ്യമെല്ലാം മനസ്സിലാക്കാൻ കഴിയുകയും ചെയ്യും. നിയോ ചെമപ്പുഗുളിക വാങ്ങി കഴിക്കുന്നു...