ഈ ഇടിവിന് അവസാനമെന്ന്? 10 വർഷത്തിനിടയിലെ ഏറ്റവും മോശം വിപണി; ദീപാവലിയും രക്ഷിക്കില്ലേ? ഇനി പ്രതീക്ഷ ഇവയിൽ

ഇത് എന്താണ് ഇങ്ങനെ? ഇടിവ് എന്നാണ് അവസാനിക്കുക? ഓഹരി നിക്ഷേപകർ തമ്മിലെ സംഭാഷണങ്ങളിൽ ഇപ്പോൾ ഏറ്റവും കൂടുതലായി കേൾക്കുന്ന ചോദ്യങ്ങളാണ് ഇവ. തുടർച്ചയായ ഇടിവിൽ നിക്ഷേപ മൂല്യത്തിന്റെ നല്ല പങ്കും ചോർന്നുപോയതിലെ കടുത്ത നിരാശ മാത്രമല്ല നിക്ഷേപകർക്കു വിപണിയിലുള്ള വിശ്വാസത്തകർച്ച കൂടി പ്രതിഫലിക്കുന്ന ചോദ്യങ്ങൾ... നിക്ഷേപകരുടെ വിശ്വാസത്തിനു കോട്ടംതട്ടുന്നത് ആദ്യമല്ല. വിപണിയിലെ പല ഉയർച്ചതാഴ്‌ചകളുടെയും സഹയാത്രികരായവർക്കുപോലും ഇപ്പോഴത്തെ ഇടിവിൽ തെല്ലൊരാശങ്കയുണ്ടുതാനും. അപ്പോൾ കോവിഡ് വ്യാപനത്തിനു ശേഷം വിപണിയിലേക്കു വലിയ തോതിലെത്തിയ പുതിയ നിക്ഷേപകർക്കുണ്ടായിരിക്കുന്ന പരിഭ്രാന്തി