നിഫ്റ്റിയിൽ 24,500 പോയിന്റ് നിർണായകം; വിപണിയിൽ തിരുത്തലുകൾ അവസാന ഘട്ടത്തിലേക്ക്, ഇവയാണ് കാരണങ്ങള്‍

ആഘോഷാരവങ്ങൾ അവസാനിച്ചതോടെ ഓഹരി വിപണിയിൽ വീണ്ടും ഇടിവിന്റെ ദിനങ്ങൾ. ട്രംപിന്റെ വിജയം ഇന്ത്യൻ വിപണിക്ക് ആഘോഷിക്കാനുള്ളതെല്ലെന്ന തിരിച്ചറിവുണ്ടാകാൻ ഒരു ദിവസം വൈകി. ട്രംപിന്റെ ചില പ്രഖ്യാപനങ്ങൾ ആശങ്കപ്പെടുത്തുന്നതാണെന്ന വസ്തുത വിസ്‌മരിച്ചതിനു വിപണി നൽകേണ്ടിവന്നതാകട്ടെ വലിയ വിലയും. തിരിച്ചറിവിനെ തുടർന്നു വീണ്ടും സംഭവിച്ചുകൊണ്ടിരിക്കുന്ന ഇടിവിനെ ഏതാനും ആഴ്‌ചകളായി തുടരുന്ന തിരുത്തലിന്റെ ഭാഗമായി കണക്കാക്കാം. എന്നാൽ സാങ്കേതികാർഥത്തിലുള്ള തിരുത്തൽ മാത്രമോ ഇത് എന്നു സംശയിക്കണം. തിരുത്തലിൽ നിക്ഷേപകരുടെ പരിഭ്രാന്തിയും പ്രതിഫലിക്കുന്നുണ്ടെന്നതാണു യാഥാർഥ്യം. തിരുത്തൽ അവസാന