മാര്‍ച്ച് 31നു മുൻപ് ഇക്കാര്യങ്ങൾ ചെയ്യാൻ മറക്കരുത്; ബാങ്കിലും ഓഹരിയിലും നികുതിയിലും ശ്രദ്ധിക്കാനുണ്ട്

പഴയ ആദായനികുതി സ്കീമിൽ റിട്ടേണുകൾ സമർപ്പിക്കാൻ ആഗ്രഹിക്കുന്നവർക്ക് ഈ വർഷം സാമ്പത്തിക ഇളവുകൾ ലഭിക്കുന്ന നിക്ഷേപ പദ്ധതികളിൽ ചേരാനുള്ള അവസരം 31 വരെയാണ്. സെക്‌ഷൻ 80സി, 80ഡി പ്രകാരം ഇളവു ലഭിക്കുന്ന പദ്ധതികളിൽ ആലോചിച്ചു മാത്രമേ നിക്ഷേപങ്ങൾ നടത്താവൂ. കഴിഞ്ഞ കേന്ദ്ര ബജറ്റിൽ പുതിയ നികുതി സമ്പ്രദായത്തെ ആകർഷകമാക്കുന്ന പദ്ധതികൾ മാത്രമാണ് കേന്ദ്ര ധനമന്ത്രി നിർമല സീതാരാമൻ പ്രഖ്യാപിച്ചിട്ടുള്ളത്. അതിനാൽ നികുതി ഇളവിനുവേണ്ടി മാത്രമായി നിക്ഷേപങ്ങൾ നടത്തരുത്. കൃത്യമായ സാമ്പത്തിക ആസൂത്രണം നടത്തിയശേഷമേ പദ്ധതികൾ തിരഞ്ഞെടുക്കാവൂ. പബ്ലിക് പ്രോവിഡന്റ് ഫണ്ട് (പിപിഎഫ്), നാഷനൽ പെൻഷൻ സ്കീം (എൻപിഎസ്), സുകന്യ സമൃദ്ധി യോജന, ഇക്വിറ്റി ലിങ്ക്ഡ് സേവിങ്സ് സ്കീമുകളിലെ മാസംതോറുമുള്ള