സിനിമയല്ല, വില്ലനായത് ആൽബം; ഗവർണർ പറഞ്ഞു, ലഹരിപ്പാട്ടിലെ വരികൾ വരെ മാറ്റി; കണ്ടുപഠിക്കാം ഈ പ‍ഞ്ചാബ് മോഡൽ

ലഹരിയുടെ പിടിയിൽനിന്നു വ്യക്തികളെ പുറത്തുകൊണ്ടുവരാൻ ഏതൊക്കെ വഴികളുണ്ടോ, അതെല്ലാം പഞ്ചാബിൽ പരീക്ഷിക്കുന്നുണ്ട്. ഒട്ടേറെ സന്നദ്ധസംഘടനകളുടെ (എൻജിഒ) സഹായവും സർക്കാർ ഇവിടെ തേടുന്നുണ്ട്. പല ലഹരികളുടെയും ലഭ്യത മുൻപത്തെക്കാൾ കാര്യമായി കുറഞ്ഞു; വിലയും കൂടി. പക്ഷേ, വേദനാസംഹാരികൾ പോലെയുള്ള ഫാർമ മരുന്നുകൾ ലഹരിയായി ഉപയോഗിക്കുന്ന രീതി കൂടുന്നതിൽ ആശങ്കയുണ്ട്. കുറഞ്ഞ വിലയും ഉയർന്ന ലഭ്യതയുമാണ് ഇപ്പോഴത്തെ വെല്ലുവിളി. കുട്ടികളുടെ ലഹരി ഉപയോഗം ഏറ്റവും ആദ്യം തിരിച്ചറിയുന്നതു പലപ്പോഴും അമ്മമാരാണ്. ആദ്യലക്ഷണങ്ങൾ അവർ പ്രകടിപ്പിക്കുന്നതും അമ്മമാരുടെ അടുത്തായിരിക്കും. കുട്ടികളുടെ ഭക്ഷണശീലം, ഉറക്കം, വികാരപ്രകടനങ്ങൾ എന്നിവയിലുണ്ടാകുന്ന നേരിയ വ്യത്യാസങ്ങൾ പോലും അവരാണ് ആദ്യം മനസ്സിലാക്കുക. ലഹരി ഉപയോഗിക്കുമ്പോൾ കുട്ടികളുടെ പെരുമാറ്റത്തിലുണ്ടാകുന്ന സൂക്ഷ്മമായ മാറ്റങ്ങൾ എന്തൊക്കെയെന്ന് അമ്മമാരെ