നിറത്തിന്റെ പേരിൽ അധിക്ഷേപം: ശാരദ മുരളീധരൻ പറയുന്നു: ‘അപ്രതീക്ഷിതമായിരുന്നു അത്, അയാൾ പിന്നെ വിളിച്ചിട്ടില്ല; മക്കൾ പറഞ്ഞു, അമ്മ സ്മാർട്ടാണ്’

‘‘ആ അനുഭവങ്ങളെ കൊണ്ടുനടക്കുന്നയാളല്ല ഞാൻ. ഓരോ സംഭവവും അപ്പോൾ തീവ്രമായി അനുഭവിക്കുന്നുണ്ടെങ്കിലും മറക്കുന്ന, മായ്ച്ചു കളയുന്ന സ്വഭാവം എനിക്കുണ്ട്. ഇപ്പോഴുണ്ടായ അനുഭവം വലിയൊരു പ്രശ്നം വീണ്ടും ചർച്ചയ്ക്കു വയ്ക്കാനുള്ള ഒരു കാരണമായി വന്നു എന്നേയുള്ളൂ. ഇത്തരം പ്രകോപനങ്ങളി‍ൽ വീഴേണ്ടതുണ്ടോയെന്നു ചോദിച്ചവരുണ്ട്. എന്നാൽ പ്രതികരിച്ച വലിയൊരു വിഭാഗം പേർ അവരുടെ നിറത്തിന്റെ പേരിൽ അപകർഷബോധം നേരിട്ടവരും അതിജീവിക്കാൻ അത്യന്തം പ്രയത്നിച്ചവരുമാണ്.. നിറം ഉൾപ്പെടെയുള്ള വിവേചനചിന്തകൾക്കെതിരെ സമൂഹത്തിൽ എക്കാലവും ചർച്ചയുണ്ടാകണം’’– താൻ നേരിട്ട അനുഭവം തുറന്നുപറയുകയാണു ചീഫ് സെക്രട്ടറി ശാരദ മുരളീധരൻ.