ഭീകരനായ ഡോക്ടർ, രഹസ്യമായി കൊച്ചിയിലുമെത്തി; മോദിക്കു ട്രംപിന്റെ ഉറപ്പ്, ഒടുവിൽ തഹാവൂർ റാണ ഇന്ത്യയിൽ

2009 നവംബറിൽ അന്നത്തെ ആഭ്യന്തരമന്ത്രി കോടിയേരി ബാലകൃഷ്‌ണൻ ഞെട്ടിക്കുന്നൊരു രഹസ്യം കേരള ജനതയോടു വെളിപ്പെടുത്തി. രാജ്യം തിരയുന്ന കൊടുംഭീകരൻ കൊച്ചിയിൽ വന്നിരുന്നതായി രഹസ്യാന്വേഷണ വിഭാഗം കണ്ടെത്തിയെന്നാണു കോടിയേരി സ്ഥിരീകരിച്ചത്. ഇന്ത്യ ഞെട്ടിത്തരിച്ച മുംബൈ ഭീകരാക്രമണം നടന്ന് അപ്പോഴേക്കും ഒരു വർഷമായിരുന്നു. അന്നു കൊച്ചിയിൽ രഹസ്യമായി വന്നു താമസിച്ചയാൾ ആരായിരുന്നു? രാജ്യത്തെ വിറപ്പിച്ച മുംബൈ ഭീകരാക്രമണത്തിന്റെ സൂത്രധാരൻ ഡോ. തഹാവൂർ ഹുസൈൻ റാണ . ആരാണു തഹാവൂർ റാണ? എന്തിനാണു കൊച്ചിയിൽ വന്നത്? ആരെയെല്ലാമാണു കേരളത്തിൽ രഹസ്യമായി കണ്ടത്? കേരളത്തിലും ഭീകരാക്രമണത്തിനു പദ്ധതിയിട്ടോ? എങ്ങനെയാണു മുംബൈ ഭീകരാക്രമണം ആസൂത്രണം ചെയ്തതും നടപ്പാക്കിയതും? റാണയിൽനിന്ന് ഒട്ടേറെ ദുരൂഹതകൾക്ക് ഇനി ഉത്തരം കിട്ടുമെന്ന പ്രതീക്ഷയിലാണ് അന്വേഷണ ഏജൻസികൾ.