കമ്മിഷനിങ്ങിന് മോദി, നടക്കുക എൽഡിഎഫ് വിജയ ക്യാംപെയ്നിന്റെ തുടക്കം; എല്ലാം മറയ്ക്കാനാണോ ആർഭാട വാർഷികം?

കേരളത്തിൽ ഒരു മുഖ്യമന്ത്രി തുടർച്ചയായി 10 വർഷം തികയ്ക്കുകയെന്ന അപൂർവ നേട്ടത്തിലേക്കാണു പിണറായി വിജയൻ മേയ് മാസം പ്രവേശിക്കുക. അതിനു മുന്നോടിയായി സർക്കാരിന്റെ നാലാം വാർഷികാഘോഷം തുടങ്ങിക്കഴിഞ്ഞു. മൂന്നാം വാർഷികാഘോഷത്തിൽ സംഘടിപ്പിച്ച നവകേരള സദസ്സിന്റെ അത്ര ‘പൊലിമ’ ഇല്ലെങ്കിലും നാലാം വാർഷികത്തിലും സർക്കാർ ആഘോഷം കുറയ്ക്കുന്നില്ല. വാർഷികാഘോഷങ്ങൾ സിപിഎമ്മിനെ സംബന്ധിച്ച് വലിയ പ്രസക്തിയുള്ളതല്ല. ഒന്നാം പിണറായി സർക്കാർ വന്നശേഷമാണ് ഇടതു സർക്കാർ ഓരോ വർഷവും പൂർത്തിയാക്കുന്നതിന് ഇത്രയും വലിയ പ്രാധാന്യം കൽപിച്ചുവരുന്നത്. 99 എംഎൽഎമാരുടെ പിന്തുണയോടെ അഞ്ചുവർഷത്തേക്കു തിരഞ്ഞെടുക്കപ്പെട്ട സർക്കാരിനെ സംബന്ധിച്ച് ഓരോ വർഷവും പിന്നിടുകയെന്നത് ഒട്ടും വെല്ലുവിളിയുള്ള കാര്യമല്ല. പിന്നെ എന്തിനാണ് ഇത്രയും ആർഭാടമായ വാർഷികാഘോഷം? സർക്കാരിന്റെയും മുന്നണിയുടെയും, പ്രത്യേകിച്ച് മുന്നണിയെ നയിക്കുന്ന സിപിഎമ്മിന്റെ