പ്രതിരോധ വാക്സീന്‍ എടുത്തിട്ടും പേവിഷ മരണം: പ്രഥമ ശുശ്രൂഷ മുതൽ വാക്സീൻ വരെ; ജീവൻ രക്ഷിക്കാൻ ഉറപ്പാക്കാം ഇക്കാര്യങ്ങൾ

പ്രതിരോധ വാക്സീൻ കുത്തിവയ്പെടുത്തിട്ടും പേവിഷബാധയുണ്ടാകുന്നതും ആളുകൾ മരിക്കുന്നതും ആശങ്കാജനകമാണ്. ഒരിക്കലും സംഭവിക്കാൻ പാടില്ലാത്തതുമാണ്. ജനങ്ങൾ വാക്സീന്റെ ഫലക്ഷമതയെ സംശയിക്കുന്ന സാഹചര്യംപോലും ഇതു സൃഷ്ടിക്കുന്നു. അതുകൊണ്ടുതന്നെ ആശങ്കകൾ പരിഹരിക്കേണ്ടത് അതീവ പ്രാധാന്യമുള്ള കാര്യമാണ്. വാക്സീനും ഇമ്യൂണോഗ്ലോബുലിനും കുത്തിവച്ചിട്ടും എന്തുകൊണ്ടു പേവിഷബാധയുണ്ടാകുന്നുവെന്ന ചോദ്യം പ്രസക്തമാണ്. അതിനു പല കാരണങ്ങളുണ്ടാകാം. അതിലൊന്നാണ് പ്രഥമ ശുശ്രൂഷയിലെ പിഴവ്. പ്രതിരോധ കുത്തിവയ്പ് എടുക്കുന്നതിനു മുൻപുതന്നെ മുറിവ് സോപ്പും വെള്ളവും ഉപയോഗിച്ച് 15 മിനിറ്റെങ്കിലും കഴുകി പരമാവധി വൈറസുകളെ നീക്കണം. വാക്സീൻ എടുക്കാൻ വൈകിയാലും എടുക്കുന്ന രീതി തെറ്റിയാലും പ്രശ്നമാണ്.