ആനയ്‌ക്കെന്താ കാൻസർ പിടിക്കാത്തത്? ഈ കണ്ടെത്തൽ മനുഷ്യർക്കും പ്രതീക്ഷ; ഇനി വീട്ടിൽ തിളയ്ക്കും ‘ലാബിലെ ഇറച്ചി’

ഭക്ഷണത്തിന്റെ ഭാവി പാടത്തോ പുൽമേട്ടിലോ ആയിരിക്കില്ല, പരീക്ഷണശാലകളിലായിരിക്കും. ബയോളജി ലാബുകളിൽ ഉപയോഗിക്കുന്ന പെട്രി ഡിഷിലും ബയോ റിയാക്ടറിലും വളരുന്ന വിസ്മയമാംസം...! മൃഗങ്ങളെ കൊല്ലാതെ, അവരുടെ പേശീകോശങ്ങളെടുത്ത് പരീക്ഷണശാലയിൽ നിർമിക്കുന്ന ലാബ് മീറ്റിന് മാംസത്തിനു തുല്യമായ ഘടനയും അതുല്യമായ രുചിയുമാണെന്നു ശാസ്ത്രജ്ഞർ പറയുന്നു. 1931ൽ വിൻസ്റ്റൺ ചർച്ചിൽ തമാശയായി പറഞ്ഞു: നമുക്ക് മൃഗങ്ങളെ വളർത്താതെ ഇറച്ചിയുണ്ടാക്കാം. 2013ൽ ഡച്ച് ശാസ്ത്രജ്ഞൻ ഡോ. മാർക്ക് പോസ്റ്റ്, ലണ്ടനിൽ ആദ്യത്തെ ലാബ് മീറ്റ് ബർഗർ പരിചയപ്പെടുത്തി. മൂന്നരവർഷവും 20 ലക്ഷം രൂപയും ലാബിൽ ചെലവിട്ടെങ്കിലും കിട്ടിയത് ഒരു ബർഗർ ഉണ്ടാക്കാനുള്ള മാംസം മാത്രം. എന്നാൽ, ഐതിഹാസികമായിരുന്നു ആ പാചകം.