രോഗപ്രതിരോധശേഷി കുറഞ്ഞോ? ‘പുതിയ വകഭേദം വന്നേക്കാം’; ഉയരുന്ന കോവിഡ് ആശങ്കയ്ക്കു പിന്നിലെന്ത്?

രണ്ടു വർഷത്തോളം ലോകത്തെയാകെ ‘അടച്ചിട്ട’ കോവിഡിന്റെ പിടി അയഞ്ഞ് എല്ലാം പഴയപടിയായപ്പോൾ പലരും ആശങ്കയോടെ ചിന്തിച്ചിരുന്ന ഒരു കാര്യമുണ്ട്. ഒരിക്കൽക്കൂടി വരുമോ ഈ മഹാമാരി? വർഷമോരോന്നു കഴിയുന്തോറും ‘ഇനിയില്ല ഈ മഹാമാരി’ എന്ന പ്രതീക്ഷയ്ക്കു കനംകൂടി. പക്ഷേ വലിയൊരു ഇടവേളയ്ക്കു ശേഷം വീണ്ടുമെത്തിയിരിക്കുകയാണ് കോവിഡ് ആശങ്ക. ഹോങ്കോങ്, തായ്‌ലൻഡ്, സിംഗപ്പുർ, ചൈന തുടങ്ങിയ ദക്ഷിണ പൂർവേഷ്യൻ രാജ്യങ്ങളിൽ കോവിഡ് കേസുകളിൽ വലിയ വർധനയാണ് റിപ്പോർട്ട് ചെയ്തിരിക്കുന്നത്. ജനസാന്ദ്രത കൂടിയ മേഖലകളിൽ കോവിഡ് കേസുകൾ വർധിക്കുന്നതിനെ തുടർന്ന് ആരോഗ്യവകുപ്പ് അധികൃതർ മുന്നറിയിപ്പ് നൽകിയിരിക്കുകയാണ്. മേയ് 22 വരെയുള്ള കണക്കെടുത്താൽ