അക്ഷമ, അനീതിക്കെതിരായ പ്രതിഷേധം; ക്ഷമ ജീവൻരക്ഷാ തന്ത്രം! കൂടുതൽ മുട്ടയിടുന്ന ‘മെറ്റ്ഫോർമിൻ കോഴികൾ’

കാത്തിരിക്കാൻ വയ്യാത്തവരുടെ ലോകമാണ് ഇന്നത്തേത്. മെസേജ് അയച്ചിട്ടു മറുപടി വന്നില്ലെങ്കിൽ സഹികെടുന്നു. ഫുഡ് ഡെലിവറി വൈകിയാൽ രക്തസമ്മർദം കൂടുന്നു. എന്നാൽ കാത്തിരിപ്പ് മനസ്സിന്റെ മിടുക്കാണെന്നു ശാസ്ത്രം പറയുന്നു. കലിഫോർണിയ സർവകലാശാലയിലെ മനഃശാസ്ത്രജ്ഞ ഡോ. കേറ്റ് സ്വീനി ക്ഷമ ഒരു നൈതിക ഗുണമല്ലെന്നു ഗവേഷണത്തിലൂടെ സമർഥിക്കുന്നു. മസ്തിഷ്കത്തിന്റെ മാനേജ്മെന്റ് തന്ത്രമെന്നാണു കണ്ടെത്തൽ.