അൻവറും ഷൗക്കത്തും അടുക്കാത്തതിനു പിന്നിൽ..? ‘ഒറ്റയ്ക്ക്’ പിടിക്കുമോ അന്നത്തെ വോട്ടുകൾ? ചിഹ്നം തുണയ്ക്കുമോ സ്വരാജിനെ?

കഥയിലേക്കു പ്രവേശിക്കുന്നതിനു മുൻപേ ഒട്ടേറെ ട്വിസ്റ്റുകൾ ഒളിപ്പിച്ചുവച്ച സിനിമ പോലെയായിരിക്കുന്നു നിലമ്പൂരിലെ ഉപതിരഞ്ഞെടുപ്പ്. സ്ഥാനാർഥി നിർണയ വേളയിൽതന്നെ കഥയ്ക്കുള്ളിൽ ഒട്ടേറെ ഉപകഥകൾ സംഭവിച്ചു. തലപ്പൊക്കമുള്ള തേക്കുകളുടെ നാട്ടിൽ ജനവിധിയുടെ കാതൽ ആർക്കൊപ്പമായിരിക്കുമെന്നറിയാൻ ഇനി മൂന്നാഴ്ചയുടെ കാത്തിരിപ്പു മതി. കോൺഗ്രസും സിപിഎമ്മും സംസ്ഥാന ഭാരവാഹികളെ രംഗത്തിറക്കിയ തിരഞ്ഞെടുപ്പിനെ പ്രവചനാതീതമാക്കുന്നതു പി.വി.അൻവർ എന്ന ഒറ്റക്കൊമ്പന്റെ രംഗപ്രവേശമാണ്. തൃണമൂൽ കോൺഗ്രസിന്റെ പുല്ലും പൂവും ചിഹ്നത്തിൽ മത്സരിക്കാനിരുന്ന അൻവർ (നിലവിൽ സ്വതന്ത്ര സ്ഥാനാർഥി) പക്ഷേ ആരുടെ വോട്ടിലായിരിക്കും പുല്ലു വാരിയിടുക? അൻവർ പിടിക്കുന്ന വോട്ടുകൾ ആർക്കു വിജയത്തിന്റെ പൂക്കൾ സമ്മാനിക്കും? ഇരു മുന്നണികളേയും തോൽപ്പിച്ച് പുഷ്പം പോലെ വിജയത്തിലെത്താനുള്ള കരുത്തും ബലവും അൻവറിനുണ്ടോ?. നിലമ്പൂരിന്റെ രാഷ്ട്രീയ ചരിത്രത്തിൽ ഈ ചോദ്യങ്ങൾക്കെല്ലാമുള്ള ഉത്തരത്തിന്റെ സൂചനകളുണ്ട്. അതിനിടെ