കപ്പൽ മറിഞ്ഞത് മലബാർ അടിത്തട്ടിളക്ക മേഖലയിൽ; ദീർഘകാലം നിരീക്ഷിക്കണം ‘നർഡിൽസ്’; കരുതണം ബ്ലൂ ഇക്കണോമിയും

ചെറുത്തുതോൽപ്പിക്കാം പ്ലാസ്റ്റിക് മലിനീകരണത്തെ എന്ന സന്ദേശവുമായി ലോകം പരിസ്ഥിതിദിനം ആചരിച്ചത് കഴിഞ്ഞ ദിവസമാണ്. ഇതേസമയംതന്നെ കേരളതീരം നർഡിൽസ് എന്ന തരിപ്ലാസ്റ്റിക്കിനെതിരെയുള്ള പാരിസ്ഥിതിക പോരാട്ടത്തിന് ഒരുങ്ങുകയാണ്. എംഎസ്‌സി എൽസ 3 കപ്പലിൽ നിന്നു കടലിലേക്കു വീണ കണ്ടെയ്നറുകളിൽ നിന്നുള്ള പ്ലാസ്റ്റിക് തരികളാണ് കേരള തീരത്തിന് ഭീഷണയായി മാറിയിരിക്കുന്നത്. ചാകരക്കോളിന് ഒരുങ്ങി നിൽക്കുന്ന തീരം പ്ലാസ്റ്റിക് വാരി മാറ്റേണ്ട സ്ഥിതിയിലാണ്. ഇവ അധികം വ്യാപിച്ചിട്ടില്ലെന്നതു മാത്രമാണ് ആശ്വാസം.