ഈ കപ്പലപകടത്തിൽ വരുമോ ക്രിമിനൽ നടപടി? കാർഗോയുടെ രഹസ്യാത്മകത സംശയകരം

വിഴിഞ്ഞം തുറമുഖത്തുനിന്ന് 643 കണ്ടെയ്നറുകളുമായി കൊച്ചിക്കു പുറപ്പെടുന്നതിനിടെ മുങ്ങിയ എംഎസ്‌സി എൽസ– 3 കപ്പലിലെ നൂറ്റൻപതോളം കണ്ടെയ്നറുകൾ കാലിയാണെന്നും 12 എണ്ണത്തിൽ അപകടകാരിയായ കാൽസ്യം കാർബൈഡും ഒന്നിൽ റബർ സൊല്യൂഷനും ഉണ്ടെന്നുമാണ് ഡയറക്ടർ ജനറൽ ഓഫ് ഷിപ്പിങ് പത്രസമ്മേളനത്തിൽ പറഞ്ഞത്. കപ്പലിൽ 367 ടൺ ബങ്കർ ഓയിലും 84 ടൺ ഡീസലും ഉണ്ടായിരുന്നെന്നും വെളിപ്പെടുത്തലുണ്ടായി. കപ്പൽ മുങ്ങി രണ്ടാഴ്ച കഴിഞ്ഞിട്ടും സംസ്ഥാന– കേന്ദ്ര സർക്കാരുകൾ, മലിനീകരണ നിയന്ത്രണ ബോർഡ്, ദുരന്തനിവാരണ വകുപ്പ്, ഷിപ്പിങ് മന്ത്രാലയം, മർക്കന്റൈൽ മറൈൻ വകുപ്പ്, കപ്പൽ ഉടമ എന്നിവരിലാരും ‘കാർഗോ മാനിഫെസ്റ്റ്’ പ്രസിദ്ധപ്പെടുത്തിയിട്ടില്ല. കണ്ടെയ്നർ നമ്പർ, കാർഗോയുടെ വിവരങ്ങൾ, ഉടമയുടെ പേര് എന്നിവ സഹിതം ഷിപ്പിങ് കമ്പനി കസ്റ്റംസിനു നൽകുന്ന ആധികാരിക രേഖയാണ് കാർഗോ മാനിഫെസ്റ്റ്. കഴിഞ്ഞദിവസം കേരള ഹൈക്കോടതി ചീഫ് ജസ്റ്റിസിന്റെ ബെഞ്ചിലും വിഷയം ഉന്നയിക്കപ്പെട്ടു. കാർഗോയുടെ വിവരങ്ങൾ എന്ന മട്ടിലുള്ള പട്ടിക പുറത്തുവന്നിട്ടുണ്ടെങ്കിലും കാർഗോ മാനിഫെസ്റ്റിന്റെ ആധികാരികത അതിനുണ്ടോ? കപ്പലിൽ നിയമവിരുദ്ധ ചരക്കുകൾ