ആർബിഐ പലിശ നയം: ഓഹരിക്ക് നേട്ടം; പെൻഷനെ മാത്രം ആശ്രയിക്കുന്നവര്‍ക്ക് തിരിച്ചടി?

നന്ദി, സഞ്ജയ് മൽഹോത്ര, നന്ദി. സമ്മോഹനമായ ഭാവിക്ക് ഉത്തേജനമാകുന്ന പിന്തുണയാണു റിസർവ് ബാങ്ക് ഓഫ് ഇന്ത്യ ഗവർണർ സഞ്ജയ് മൽഹോത്ര ഓഹരി വിപണിക്കു സമ്മാനിച്ചിരിക്കുന്നത്. അതു വിപണിക്ക് ഇരട്ടിമധുരമാണ്. ഒറ്റയടിക്കു വായ്പ നിരക്കിൽ 0.5% പലിശ കുറച്ചതു കോർപറേറ്റ് മേഖലയിൽ വലിയ ഉണർവിനു സഹായകമാകുമെന്നതാണ് ഒരു നേട്ടം. നിക്ഷേപങ്ങളുടെ പലിശ കുറയ്ക്കാൻ ബാങ്കുകൾ നിർബന്ധിതമാകുന്ന സാഹചര്യത്തിൽ ഇടപാടുകാർ വലിയ തോതിൽ ഓഹരികളിലേക്കും മ്യൂച്വൽ ഫണ്ടുകളിലേക്കും പണം ഒഴുക്കുമെന്നതു മറ്റൊരു നേട്ടം. ആരും ജയിക്കാത്ത മത്സരം പോലെയായിരുന്നു വിപണിയിലെ നീണ്ടുപോയ അനിശ്‌ചിതാവസ്‌ഥ. വില സൂചികകൾ 25,000 പോയിന്റിനരികെ വഴിയറിയാതെ അലഞ്ഞപ്പോൾ വിപണിക്ക്