പ്ലസ്ടു കഴിഞ്ഞു; മികച്ച കോഴ്‌സ് എങ്ങനെ തിരഞ്ഞെടുക്കും? കുട്ടിയും രക്ഷിതാവും ശ്രദ്ധിക്കേണ്ട കാര്യങ്ങൾ; ജീവിതം സെറ്റാക്കാൻ വേണം ഈ കരിയർ പ്ലാനിങ്

പ്ലസ്ടു പരീക്ഷാ ഫലം പുറത്തുവന്നതിനു പിന്നാലെ ഏറെ തയാറെടുത്ത് എഴുതിയ എൻട്രൻസ് പരീക്ഷകളുടെ ഫലം അറിയാനുള്ള കാത്തിരിപ്പിലാണ് വിദ്യാർഥികളും രക്ഷിതാക്കളും. പ്രധാനപ്പെട്ട എൻട്രൻസ് പരീക്ഷകളെല്ലാം ഇതിനോടകം പൂർത്തിയായിക്കഴിഞ്ഞിരിക്കുന്നു. ഈ അവസ്ഥയിൽ 12–ാം ക്ലാസ് കഴിഞ്ഞ വിദ്യാർഥികളിൽ നല്ലൊരു പങ്കും ഇപ്പോൾ ആലോചിക്കുന്നത്, അടുത്തത് ഏത് കോഴ്സ് എന്നായിരിക്കും. മാതാപിതാക്കൾക്കുമുണ്ടാകും കുട്ടിയുടെ ഭാവി സംബന്ധിച്ച ആശയക്കുഴപ്പം. പല കുട്ടികളും ഇതിനോടകം മറ്റു ചില കോഴ്സുകളിൽ പ്രവേശിച്ചിട്ടുമുണ്ടാവും. അതോടെ ആശങ്കയേറും. വിദ്യാർഥികളുടെ ഭാവിയിലേക്കുള്ള നിർണായക വഴിമാറ്റമാണ് പ്ലസ്‌ടുവിനു ശേഷം സംഭവിക്കുന്നത്. എങ്ങനെ ഓരോരുത്തരുടെയും അഭിരുചിക്കു ചേർന്ന നല്ലൊരു കോഴ്സ് തിരഞ്ഞെടുക്കാം? അതിന് എന്തൊക്കെ കാര്യങ്ങളാണ് ശ്രദ്ധിക്കേണ്ടത്? തിരഞ്ഞെടുക്കാൻ പറ്റിയ കോഴ്സുകൾ ഏതൊക്കെയാണ്? ഈ ചോദ്യങ്ങൾക്ക് ഉത്തരം തേടിയാണ് മനോരമ ഓൺലൈൻ പ്രീമിയം വെബിനാർ സംഘടിപ്പിച്ചത്. ഒട്ടേറെ കുട്ടികളും രക്ഷിതാക്കളും അവരുടെ സംശയങ്ങളുന്നയിക്കുകയും ചെയ്തു. വിദ്യാഭ്യാസ വിദഗ്ധനും കരിയർ കോളമിസ്റ്റുമായ ജോമി പി.എൽ അവയ്ക്കു നൽകിയ മറുപടിയിലേക്ക്, നിങ്ങളുടെ ഭാവി മികച്ചതാക്കാനുള്ള പ്ലാനിങ്ങിലേക്ക്...