കുടുംബത്തിന്റെ പതിവ് തെറ്റിച്ചെത്തി, ലീഡുയർത്തി ‌പ്രിയങ്ക; വി.ഡി.സതീശൻ എന്ന ‘വിക്ടറി ‌ഡിസൈഡർ’; സ്വരാജിനെ തോൽവിയിലേക്ക് നയിച്ച് ‘സ്വീകരണം’

കേന്ദ്രസർക്കാരിനു നേതൃത്വം നൽകുന്ന എൻഡിഎയ്ക്കു വേണ്ടി ബിജെപി ചിഹ്നത്തിൽ മത്സരിച്ച മോഹൻ ജോർജ് നാലക്ക വോട്ടിൽ ഒതുങ്ങിയെങ്കിലും സ്വതന്ത്ര സ്ഥാനാർഥി പി.വി.അൻവറിന്റെ സാന്നിധ്യത്തിൽ ‘ത്രികോണച്ചൂരു’ണ്ടായിരുന്ന നിലമ്പൂർ പോരിൽ യുഡിഎഫിന് കിട്ടിയത് അഭിമാനജയം. ഭരണവിരുദ്ധവികാരം അലതല്ലിയെന്ന് ഇതിനോടകം വിലയിരുത്തപ്പെട്ട തിരഞ്ഞെടുപ്പിൽ തേക്കിന്റെ കാതൽ പോലെ അരക്കിട്ടുറപ്പിച്ച യുഡിഎഫ് തിരഞ്ഞെടുപ്പുയന്ത്രത്തിന്റെ പ്രവർത്തനവും വേറിട്ട കാഴ്ചയായി. മലബാറിൽ പലപ്പോഴും ലീഗിനെതിരായ നിലപാടുകളിലൂടെ ശ്രദ്ധേയനായ അന്തരിച്ച കോൺഗ്രസ് നേതാവ് ആര്യാടൻ മുഹമ്മദിന്റെ മകനും കോൺഗ്രസ് നേതാവുമായ ആര്യാടൻ ഷൗക്കത്തിനെ ‘ലീഗ് സ്ഥാനാർഥി’യെന്നപോലെ ഏറ്റെടുത്താണ് മുസ്‌ലിം ലീഗ് ഇത്തവണ പ്രചാരണരംഗത്തുണ്ടായിരുന്നത്. കർശനനിലപാടുകളിലൂടെ തിരഞ്ഞെടുപ്പിലെ സ്ഥാനാർഥി പ്രഖ്യാപനം മുതൽ പ്രചാരണത്തിലെ ഏകോപനത്തിൽ വരെ നിർണായകമായിരുന്ന