പിടിച്ച 19,760 വോട്ടുകൾ ശിക്ഷയോ രക്ഷയോ? ഒറ്റയാനായി തുടരുമോ അൻവർ? മുന്നിൽ ഇനി ഈ വഴികൾ മാത്രം

നിലമ്പൂരിൽ പി.വി.അൻവർ എന്ന ‘സ്വതന്ത്രൻ’ നേടിയത് 19,760 വോട്ടുകൾ. ഇതുവരെയുണ്ടായിരുന്ന ‘എൽഡിഎഫ് സ്വതന്ത്രൻ’ എന്ന കുപ്പായമഴിച്ചുവച്ച് തിരഞ്ഞെടുപ്പിന് ഇറങ്ങിയപ്പോൾ അൻവറിന്റെ വോട്ടുപെട്ടിയിൽവീണ സമ്പാദ്യം. ഇത്രത്തോളം വോട്ടുകൾ അൻവൻ പിടിക്കുമെന്ന് യുഡിഎഫ് – എൽഡിഎഫ് കേന്ദ്രങ്ങൾ പ്രതീക്ഷിച്ചില്ലെന്നത് വ്യക്തവും സത്യവുമാണ്. നിലമ്പൂർ പോലെയുള്ള മണ്ഡലത്തിൽ പ്രബല മുന്നണികൾക്കെതിരെ 19,760 വോട്ടുകൾ രാഷ്ട്രീയ നേട്ടമാണ്. എന്നാൽ എങ്ങനെ പോയാലും എത്രത്തോളം മറിഞ്ഞാലും ആരു വന്നാലും താൻ തന്നെയാകും നിലമ്പൂരിന്റെ വിജയി എന്ന അൻവറിന്റെ അവകാശവാദത്തിന് അടുത്തെത്താൻ വോട്ടുദൂരമേറെയായിരുന്നു. ആര് സ്ഥാനാർഥിയാകുന്നത് എതിർത്താണോ യുഡിഎഫിനുള്ള പിന്തുണ പിൻവലിച്ച് അൻവർ തൃണമൂൽ കോൺഗ്രസ് പ്രതിനിധിയായി മത്സരത്തിനിറങ്ങിയത്, അതേ ആളായ ആര്യാടൻ ഷൗക്കത്ത് വിജയിച്ചത് അൻവറിനു തിരിച്ചടിയായി. അതേസമയം, ‘പിണറായിസ’ത്തിനെതിരെ പോരാട്ടം നടത്തിയതിനാൽ