8 ലക്ഷം സംരംഭങ്ങൾ, ഒരു ലക്ഷം കോടിക്കടുത്ത് വായ്പ; കിട്ടാക്കടത്തില്‍ കുരുങ്ങി 7150 കോടി; കേരളത്തിലെ എംഎസ്എംഇയിൽ സംഭവിക്കുന്നത്

കേരളത്തിൽ പൂട്ടിപ്പോകുന്ന ചെറുകിട (MSME) സംരംഭങ്ങളുടെ എണ്ണം സംബന്ധിച്ച് അടുത്തിടെ ശശി തരൂർ എംപിയുടെ സമൂഹ മാധ്യമ പോസ്റ്റ് ഏറെ ചർച്ചയായിരുന്നു. കേരളത്തിൽ കഴിഞ്ഞ 9 വർഷത്തിനിടെ 42,000ലേറെ എംഎസ്എംഇകൾ പൂട്ടിപ്പോയെന്ന ഒരു ഇംഗ്ലിഷ് മാധ്യമ റിപ്പോർട്ടായിരുന്നു അദ്ദേഹം പങ്കുവച്ചത്. എന്നാൽ, ഇതിനെതിരെ സംസ്ഥാന വ്യവസായമന്ത്രി പി. രാജീവ് രംഗത്തെത്തിയിരുന്നു. ദേശീയതലത്തിൽ പൂട്ടിപ്പോകുന്ന എംഎസ്എംഇകളുടെ അനുപാതം 30-40 ശതമാനമാണെന്നിരിക്കെ കേരളത്തിൽ ‘സംരംഭക വർഷം’ പദ്ധതി തുടങ്ങിയശേഷം അനുപാതം ശരാശരി 12 ശതമാനമാണെന്ന് മന്ത്രി പറയുന്നു.