ടാറ്റൂവിനുണ്ട് ‘മമ്മി’ ബന്ധം; ഇത് പച്ചകുത്തലിന്റെ രസതന്ത്രം; ഇന്ന് 21,500 കോടിയുടെ കച്ചവടം, ഇനി സ്മാർട് ടാറ്റൂ

ആൽപ്സ് പർവതനിരകളിൽ 5300 വർഷം മുൻപു ജീവിച്ചതായി കരുതുന്ന ഓട്സി എന്ന ഹിമമനുഷ്യനെ മമ്മി രൂപത്തിൽ കണ്ടെത്തുമ്പോൾ ശരീരത്തിൽ 61 ടാറ്റൂകളുണ്ടായിരുന്നു...! അതെല്ലാം ശരീരത്തിലെ അക്യുപംക്ചർ സ്ഥാനങ്ങളിലായിരുന്നു. ചികിത്സയുടെ ഭാഗമായി ടാറ്റൂ ചെയ്തതാകാം എന്നു കരുതാം, അല്ലെങ്കിൽ അക്കാലത്തെ മനുഷ്യരുടെ എന്തെങ്കിലും ആചാരമാകാം. പോളിനേഷ്യൻ (ശാന്തസമുദ്രത്തിന്റെ മധ്യഭാഗത്തും തെക്കുഭാഗത്തുമുള്ള ആയിരത്തിൽപരം ദ്വീപുകൾ ഉൾപ്പെട്ട പ്രദേശം) സംസ്കാരത്തിൽ ടാറ്റൂ സാമൂഹികപദവിയും പോരാട്ടങ്ങളിലെ വിജയങ്ങളും സൂചിപ്പിക്കുന്ന, തൊലിപ്പുറത്തെഴുതിയ ബയോഡേറ്റയാണ്. ടാറ്റൂ ജെൻ സി മുദ്രയല്ലെന്നു ചുരുക്കം. ലോകജനസംഖ്യയിൽ ഏകദേശം 38% പേർ ഒന്നോ അതിലധികമോ ടാറ്റൂ ഉള്ളവരാണ്. അതിൽ സ്ത്രീകളാണു കൂടുതൽ