ഇത് ‘കുട്ടിക്കളി’യല്ല, തീപാറും പോരാട്ടം; അട്ടിമറിക്കുരുക്കിൽ പെടാതെ ‘സ്കൈ’ക്കരുത്തിൽ ടീം ഇന്ത്യ; മിന്നലായി അർഷ്ദീപ്

‘കുഞ്ഞൻമാരെ’ മലർത്തിയടിച്ച് കരുത്തോടെ കുതിക്കാനെത്തിയ ടീം ഇന്ത്യ ഒടുവിൽ കഷ്ടിച്ച് രക്ഷപ്പെട്ടു. ആദ്യം ബാറ്റു ചെയ്ത യുഎസിന് ഇന്ത്യയ്ക്കു മുന്നിലേക്ക് വയ്ക്കാനായത് 111 റൺസിന്റെ വിജയ ലക്ഷ്യം. എന്നാൽ ചെറിയ സ്കോർ പിന്തുടർന്നെത്തിയ ഇന്ത്യൻ ബാറ്റർമാർക്ക് വിജയം ഉറപ്പിക്കാനായത് 19–ാം ഓവറിൽ മാത്രവും. എന്നാലും 7 വിക്കറ്റ് വിജയത്തോടെ ഇന്ത്യ ലോകകപ്പിന്റെ സൂപ്പർ എട്ട് റൗണ്ടിൽ സീറ്റ് ഉറപ്പിച്ചു. സ്കോർ: യുഎസ്– 20 ഓവറിൽ 8ന് 110. ഇന്ത്യ– 18.2 ഓവറിൽ 3ന് 111.