വിരമിച്ച് വീട്ടിൽപോയ ക്രൂസിനെ തിരികെ വിളിച്ചത് കോച്ച്; സംഭവിച്ചതെല്ലാം അദ്ഭുതപാസുകൾ; ഇത് ജർമൻ ‘ക്രൂസ് കൺട്രോൾ’!

ടോണി ക്രൂസിനെ ടെന്നിസ് ഇതിഹാസം റോജർ ഫെഡററിനോട് ഉപമിച്ചത് മുൻ അർജന്റീന ഫുട്ബോളർ യുവാൻ റോമൻ റിക്വൽമിയാണ്. ‘ടോണി ക്രൂസ് ഒരിക്കലും വിയർക്കാറില്ല. കളിക്കിടെ അയാളുടെ ദേഹത്ത് അഴുക്കു പറ്റാറില്ല. ഗ്രൗണ്ടിലേക്ക് എങ്ങനെയാണോ വരുന്നത്, അതുപോലെ തന്നെ വീട്ടിലേക്കു മടങ്ങാൻ അയാൾക്കു പറ്റും. ആവശ്യമെങ്കിൽ ഒന്നു കുളിക്കുക പോലും ചെയ്യാതെ അടുത്ത മത്സരത്തിനും ഇറങ്ങാൻ സാധിക്കും’! – ഫുട്ബോൾ ഗ്രൗണ്ടിലെ ടോണി ക്രൂസിന്റെ സ്മാർട്നെസിനെക്കുറിച്ചാണ് റിക്വൽമി ഇങ്ങനെ പറഞ്ഞത്. ടോണി ക്രൂസ് ഒരിക്കലും ഓടാറില്ലെന്നു കളിയായും കാര്യമായും പറഞ്ഞത് മുൻ സ്പാനിഷ് താരം സാന്റി കാസറോളയാണ്. ആ ടോണി ക്രൂസാണ്, ജൂൺ 15നു രാത്രി