ഇനി ‘രോ–കോ’ സഖ്യമില്ല, ഗില്ലിനെ ആരു സഹായിക്കും? മുന്നിൽ ‘ടെസ്റ്റ്’ കാലം; തലവേദനയായി ‘ഇംഗ്ലിഷ് പരീക്ഷ’

ലോകക്രിക്കറ്റിന്റെ പവർഹൗസ്– ഇന്ത്യൻ ക്രിക്കറ്റ് ടീമിനു വർഷങ്ങൾക്കു മുൻപേ ക്രിക്കറ്റ് ലോകം ചാർത്തി നൽകിയ വിശേഷണം. ഏകദിന – ട്വന്റി20 –ടെസ്റ്റ് ഫോർമാറ്റുകളിൽ രോഹിത് ശർമയ്ക്ക് ശേഷം ടീമിനൊരു ക്വാളിറ്റി ഓപണർ എന്നത് ടീം ഇന്ത്യയുടെ ആവശ്യകത തന്നെയായിരുന്നു. 2017–18 അണ്ടർ 19 ലോകകപ്പിലെ തകർപ്പൻ പ്രകടനത്തിനു പിന്നാലെ ഐപിഎല്ലിലേക്ക് മാസ് എൻട്രി. ‘മാസ് കാ ബാപ്’ എന്നുപറയുന്നതുപോലെ ബാറ്റുകൊണ്ട് ഐപിഎല്ലിലും തന്റേതായ ഇടം കണ്ടെത്തിയ തകർപ്പൻ പ്രകടനങ്ങൾ. ‘ദ് നെക്സ്റ്റ് ബിഗ് തിങ്’ എന്ന സൂചന നേരത്തേതന്നെ നൽകിയാണ്, ഇന്ത്യയുടെ പവർഫുൾ ടോപ്‌ ഓർഡറിന്റെ കടിഞ്ഞാൺ ശുഭ്മന്‍ ഗിൽ എന്ന കൗമാരക്കാരൻ ഏറ്റെടുക്കുന്നത്. ഇന്ത്യൻ ക്രിക്കറ്റിന്റെ മുഖമുദ്രയായ രോഹിത് ശർമയുടെയും വിരാട് കോലിയുടെയും രവിചന്ദ്ര അശ്വിന്റെയും