ഒൻപതാം സ്ഥാനം ധോണിയുടെ ദാനം; ‘ഒത്തുകളിയും’ ദ്രാവിഡിന്റെ എഴുത്തും; റോയൽ ആകാത്ത രാജസ്ഥാൻ

ആകെയുണ്ടായിരുന്ന 14 കളികളിൽ പത്തിലും തോറ്റ് നാണക്കേടിന്റെ പടുകുഴിയിൽനിന്നാണ് രാജസ്ഥാൻ റോയൽസ് ഐപിഎൽ 18ാം സീസണിൽനിന്ന് വിടപറഞ്ഞത്. മെഗാ താരലേലത്തിനു മുൻപ് താരങ്ങളെ നിലനിർത്തുന്നതിൽ സംഭവിച്ച പിഴവും ക്യാപ്റ്റൻ സഞ്ജു സാംസൺ ഉൾപ്പെടെയുള്ള താരങ്ങളുടെ പരുക്കും ഏറെ പ്രതീക്ഷ വച്ച ചില താരങ്ങളുടെ മോശം ഫോമും സൃഷ്ടിച്ച കനത്ത വെല്ലുവിളികൾക്കൊടുവിൽ കിട്ടിയത് പോയിന്റ് പട്ടികയിൽ ഒൻപതാം സ്ഥാനം. പത്താം സ്ഥാനമെന്ന നാണക്കേടിൽനിന്ന് കഷ്ടിച്ചാണ് രാജസ്ഥാൻ രക്ഷപ്പെട്ടത്. മത്സരങ്ങൾ പൂർത്തിയാകുമ്പോൾ ചെന്നൈ സൂപ്പർ കിങ്സിനും രാജസ്ഥാനും എട്ടു പോയിന്റ് വീതമായിരുന്നെങ്കിലും നെറ്റ് റൺറേറ്റിലെ നേരിയ വ്യത്യാസത്തിൽ രാജസ്ഥാൻ (-0.549) ഒൻപതാമതെത്തി. -0.647 റൺശരാശരിയുമായി ചെന്നൈ പത്താമതും. അവസാന മത്സരത്തിൽ ഗുജറാത്ത് ടൈറ്റൻസിനെതിരെ