എസ്ബിഐ വായ്പ, നിക്ഷേപ പലിശനിരക്കുകള് വീണ്ടും കുറച്ചു
Mail This Article
പൊതുമേഖലാ ബാങ്കായ എസ്ബിഐ വായ്പ പലിശ നിരക്കിലും നിക്ഷേപ പലിശ നിരക്കിലും വീണ്ടും കുറവ് വരുത്തി. ഉത്സവകാലത്തിന്റെ മുന്നോടിയായി എംസിഎല്ആര്( മാര്ജിനല് കോസ്റ്റ് ഓഫ് ലെന്ഡിങ് റേറ്റ് ) അടിസ്ഥാനമാക്കിയുള്ള വായ്പ പലിശ നിരക്കില് 10 അടിസ്ഥാന പോയിന്റിന്റെ കുറവാണ് ഇത്തവണ വരുത്തിയത്. ഇതോടെ ബാങ്കിന്റെ എംസിഎല്ആര് 8.25 ശതമാനത്തില് നിന്നും 8.15 ശതമാനമായി കുറയും.
സെപ്റ്റംബര് 10 മുതല് പുതിയ നിരക്കുകള് പ്രാബല്യത്തില് വരും. ഈ സാമ്പത്തിക വര്ഷം തുടര്ച്ചയായി അഞ്ചാം തവണയാണ് എസ്ബിഐ വായ്പ നിരക്കില് കുറവ് വരുത്തുന്നത്. ഇതിന് പുറമെ വിവിധ കാലാവധികളിലുള്ള സ്ഥിര നിക്ഷേപങ്ങളുടെ നിരക്കിലും എസ്ബിഐ കുറവ് വരുത്തിയിട്ടുണ്ട്. വിവിധ കാലാവധികളിലുള്ള സ്ഥിരനിക്ഷേപങ്ങളുടെ നിരക്കില് 20-25 അടിസ്ഥാന പോയിന്റിന്റെ കുറവ് വരുത്തി. ബള്ക് ടേം ഡിപ്പോസിറ്റുകളുടെ നിരക്കില് 10-20 ബേസിസ് പോയിന്റിന്റെ കുറവും വരുത്തിയിട്ടുണ്ട്.