എസ്ബിഐ ഫ്‌ളോട്ടിങ്ങ് നിരക്കിലുള്ള വായ്പകള്‍ റിപ്പോ നിരക്കുമായി ബന്ധിപ്പിക്കും
Mail This Article
സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) ഫ്‌ളോട്ടിങ് നിരക്ക് അടിസ്ഥാനമാക്കിയുള്ള വായ്പകള്‍ റിപ്പോ നിരക്കുമായി ബന്ധിപ്പിക്കുന്നു. ഒക്ടോബര്‍ 1 മുതല്‍ എല്ലാ വായ്പകളുടെയും ബാഹ്യ ബെഞ്ച്മാര്‍ക്കായി കണക്കാക്കുന്നത് റിപ്പോ നിരക്ക് ആയിരിക്കും എന്ന് എസ്ബിഐ അറിയിച്ചു.
ഫ്‌ളോട്ടിങ് നിരക്ക് അടിസ്ഥാനമാക്കിയുള്ള വായ്പകള്‍ ബാഹ്യ ബെഞ്ചുമാര്‍ക്ക് നിരക്കുകളുമായി ബന്ധിപ്പിക്കണം എന്ന് ആര്‍ബിഐ അടുത്തിടെ ബാങ്കുകളോട് നിര്‍ദ്ദേശിച്ചിരുന്നു. ഇതെ തുടര്‍ന്നാണ് എസ്ബിഐയുടെ ഈ നീക്കം. റിപ്പോ നിരക്കില്‍ വരുത്തുന്ന കുറവ് ഉടന്‍ തന്നെ വായ്പക്കാരിലേക്ക് എത്തണം എന്ന ലക്ഷ്യത്തോടെയാണ് ഈ തീരുമാനം ആര്‍ബിഐ നിര്‍ബന്ധമാക്കിയത്.
ഒക്ടോബര്‍ 1 മുതല്‍ ചെറുകിട ഇടത്തരം സംരഭങ്ങള്‍ക്കുള്ള വായ്പകള്‍, ഭവന വായ്പ, റീട്ടെയില്‍ വായ്പകള്‍ എന്നിവയുടെ ഫ്‌ളോട്ടിങ് നിരക്കുകള്‍ക്ക് മാറ്റം ബാധകമായിരിക്കും എന്ന് ബാങ്ക് അറിയിച്ചു. ഫ്‌ളോട്ടിങ് നിരക്ക് അടിസ്ഥാനമാക്കിയുള്ള ഭാവന വായ്പകള്‍ 2019 ജൂലൈ 1 ന് ആണ് എസ്ബിഐ അവതരിപ്പിച്ചത്. ആര്‍ബിഐയുടെ വ്യവസ്ഥകള്‍ പാലിക്കുന്നതിനായി വരുത്തിയ മാറ്റങ്ങള്‍ ഒക്ടോബര്‍ മുതല്‍ ഈ സ്‌കീമില്‍ പ്രാബല്യത്തില്‍ വരുമെന്ന് ബാങ്ക് അറിയിച്ചു.
