ഈ നെറ്റ് ബാങ്കിംഗ് നിര്ദേശങ്ങള് ഉറപ്പായും അറിയണം
Mail This Article
ലോക് ഡൗണിനെ തുടര്ന്ന് ബാങ്ക് ശാഖകള് സന്ദര്ശിക്കുന്നത് ഒഴിച്ചുകൂടാനാവത്ത അത്യാവശ്യങ്ങള്ക്ക് മാത്രമായി പരിമിതപ്പെടുത്തിയിട്ടുണ്ട് അക്കൗണ്ടുടമകള്. വൈറസ് ബാധ ഭീതിയില് ബാങ്കുകളാകട്ടെ ശാഖകള് സന്ദര്ശിക്കുന്നത് പ്രോത്സാഹിപ്പിക്കാറുമില്ല. ഈ സാഹചര്യത്തില് കൂടുതല് ആളുകളും തങ്ങളുടെ സാമ്പത്തിക ഇടപാടുകള്ക്ക് നെറ്റ് ബാങ്കിംഗ് ഉപയോഗിക്കുന്നത് സ്വാഭാവികം. ഓണ്ലൈന് ബാങ്കിംഗ് മേഖലയിലേക്ക് കൂടുതല് ആളുകള് പെട്ടന്ന് കടന്ന് വന്നത് ബാങ്കിംഗ് തട്ടിപ്പുകള് കൂടുന്നതിനും ഇടയാക്കിയിട്ടുണ്ട്. ഈ സാഹചര്യത്തില് ഇന്റര്നെറ്റ് ബാങ്കിംഗ് ഉപയോഗിക്കുന്നവരുടെ സുരക്ഷ മുന്നിര്ത്തി എസ് ബി ഐ പോലുള്ളബാങ്കുകൾ ഇടപാടുകാര്ക്ക് വേണ്ടി പ്രധാനപ്പെട്ട മുന്കരുതല് നടപടികള് നിര്ദേശിക്കുന്നു.
ലിങ്ക് ഒഴിവാക്കുക
ബാങ്കുമായി ബന്ധപ്പെട്ട വിവരങ്ങളോ ഒടിപി യോ ചോദിച്ചുള്ള ലിങ്കുകളില് ക്ലിക് ചെയ്യുന്നത് ഒഴിവാക്കുക. ഇ എം ഐ, പ്രൈം മിനിസ്റ്റര് കെയര് ഫണ്ട്, മറ്റ് സഹായ ഫണ്ടുകള് എന്നിവയുമായി ബന്ധപ്പെട്ട ലിങ്കുകള് പൂര്ണമായും ഒഴിവാക്കണം.
തൊഴില് നഷ്ടം മുതലാക്കും
അതുപോലെ തന്നെ അനാവശ്യ എസ് എം എസ് സന്ദേശങ്ങളും ഫോണ് വിളികളും നിരുത്സാഹപ്പെടുത്തണം. എസ് എം എസുകളിലുടെയും ഇ മെയിലൂടെയും മറ്റും തൊഴില് അവസരങ്ങളെയും അപ്രതീക്ഷിത സമ്മാനങ്ങളെയും കുറിച്ചുള്ള അറിയിപ്പുകള് വരുന്നുണ്ട്. കോവിഡ് കാലത്ത് തൊഴില് അവസരങ്ങള് വ്യാപകമായി നഷ്ടപ്പെടുന്നതിനാല് ഈ അവസരം മുതലാക്കുകയാണ് ഇതിന്റെ പിന്നിലെ ലക്ഷ്യം എന്ന് തിരിച്ചറിയുക.
∙ബാങ്കോ പ്രതിനിധിയോ ഒരിക്കലും നിങ്ങളോട് വ്യക്തിഗത വിവരങ്ങളോ പാസ് വേര്ഡോ ഒടിപിയോ പോലുള്ള നിര്ണായക വിവരങ്ങള് ചോദിക്കില്ല.
∙ബാങ്കില് ബന്ധപ്പെടാനുള്ള നമ്പറിനോ മറ്റ് വിവരങ്ങള്ക്കോ എസ് ബി ഐ യുടെ ഔദ്യോഗിക വെബ്സൈറ്റ് മാത്രം ഉപയോഗിക്കുക.
∙ബാങ്കുമായി ബന്ധപ്പെട്ട ഇടപാടുകളുടെ പാസ് വേര്ഡുകള് ഇടയ്ക്കിടെ നിര്ബന്ധമായും മാറ്റുക.
∙ഏതെങ്കിലും തരത്തിലുള്ള തട്ടിപ്പ് ശ്രദ്ധയില് പെട്ടാല് ഉടന് അടുത്തുള്ള പോലീസ് അധികാരികളുടെ ശ്രദ്ധയില്പ്പെടുത്തുക. ഒപ്പം ഏറ്റവും അടുത്തുള്ള ബാങ്ക് ശാഖയിൽ പരാതി നല്കുക