നിങ്ങളുടെ ഭവന വായ്പയ്ക്ക് ആനുകൂല്യം കിട്ടാന് പുനക്രമീകരിക്കാം, ഇങ്ങനെ
Mail This Article
കോവിഡില് വരുമാനം കുറഞ്ഞതിനാല് വളരെ കഷ്ടപ്പെട്ട് വായ്പകളുടെ തിരിച്ചടവ് മാനേജ് ചെയ്യുന്ന ആളാണോ നിങ്ങള്? എങ്കില് കഴിഞ്ഞ ദിവസത്തെ ആര് ബി ഐ തീരുമാനമനുസരിച്ച് നിങ്ങളുടെ വായ്പകള് പുന:ക്രമീകരിച്ച് താത്കാലിക ആശ്വസം നേടാം.തൊലിപ്പുറമേയുള്ളതാണെങ്കിലും ഭവന-വാഹന-വ്യക്തിഗതവായ്പകളുമായി കെട്ടിമറിയുന്നവര്ക്ക് തീരുമാനം ആശ്വാസമേകും.
ഇക്കാര്യങ്ങളറിയാം
∙മാര്ച്ച് 31 വരെ തിരിച്ചടവ് കൃത്യമായ വായ്പകള്ക്കാണ് പുനക്രമീകരണ ആനുകൂല്യം ലഭിക്കുന്നത്. ഡിഫാള്ട്ട് ആയി പരിഗണിക്കപ്പെട്ട വായ്പകള്ക്ക് ഇത് ബാധകമാവില്ല എന്ന് സാരം.
∙ഭവന,വാഹന,വ്യക്തിഗത, വിദ്യാഭ്യാസ വായ്പകള്ക്കല്ലാം ആനുകൂല്യം ലഭിക്കും. സാധനങ്ങള് വാങ്ങാനെടുത്ത വായ്പകളും ക്രെഡിറ്റ് കാര്ഡ് കുടിശികയും ഇങ്ങനെ റീഷെഡ്യൂൾ ചെയ്യാം.
∙ഇതുമായി ബന്ധപ്പെട്ട മാര്ഗനിര്ദേശങ്ങള് ആര് ബി ഐ ചുമതലപ്പെടുത്തിയിട്ടുള്ള സമിതി ഉടന് പുറത്തിറക്കും.
കാലാവധിയില് ഇളവ്
∙അനുകൂല്യം ലഭിക്കണമെങ്കില് വായ്പ നല്കിയ ബാങ്കുകളും വാങ്ങിയ ആളും തമ്മില് ഡിസംബര് 31 ന് അകം പുനക്രമീകരണ കരാറില് ഒപ്പു വെച്ചിരിക്കണം.
∙നിലവില് ഇത്തരം വായ്പകള്ക്ക് രണ്ട് ഘട്ടങ്ങളിലായി ആറ് മാസത്തെ തിരിച്ചടവ് മോറട്ടോറിയം നല്കിയിട്ടുണ്ട്. ഇത് ഓഗസ്റ്റില് അവസാനിക്കും. പിന്നീട് വരുന്ന മാസങ്ങളില് മോറട്ടോറിയം കാലത്തെ പലിശ ഒന്നിച്ച് അടയ്ക്കുകയോ വായ്പയുടെ മൊത്തം കാലാവധി നീട്ടുകയോ ചെയ്യാം.
∙പുനക്രമീകരണം സംബന്ധിച്ച് കൂടുതല് വിവരങ്ങള് വരാനിരിക്കുകന്നതേയുള്ളു. എങ്കിലും പുതിയ വായ്പകളായി പരിഗണിക്കുകയാണ് രീതി. എന്നാല് ഇവിടെ തിരിച്ചടവ് കാലാവധിയില് രണ്ട് വര്ഷത്തെ അധിക ഇളവ് നല്കാനാണ് സാധ്യത.